Մենք ուժեղ ենք երբ միասին ենքՄենք ուժեղ ենք երբ միասին ենք
Անկախ պետականության պայմաններում Հայաստան-Սփյուռք փոխհարաբերությունները եւ գործունեությունը ենթադրում են նոր մոտեցումներ ու մակարդակ: Այդ սկզբունքից էլ բխում է Համաշխարհային հայկական կոնգրեսի ծավալած գործունեությունը Հայաստան-Սփյուռք, Սփյուռք-Սփյուռք կապերի ամրապնդման ուղղությամբ:
2001թ.-ից Ռուսաստանի հայերի միությունը, իսկ 2003թ.-ից Համաշխարհային հայկական կոնգրեսի հետ համատեղ Հայաստանում ու Արցախում ամեն տարի իրականացնում են «Համաշխարհային հայկական կոնգրեսի եւ Ռուսաստանի հայերի միության օրեր Հայաստանում եւ Արցախում» ծրագիրը:
Ծրագրի նպատակներն ու խնդիրները.
- Հայաստան - Սփյուռք, Սփյուռք - Սփյուռք համակարգային փոխհարաբերությունների ձեւերի որոնում,
- Հայաստանի եւ Սփյուռքի կրթամշակութային եւ գործնական կապերի ամրապնդում ու զարգացում,
- Աջակցություն հայկական Սփյուռքի ներուժի ներգրավմանը Հայաստանի սոցիալ-տնտեսական զարգացմանը,
- ժողովուրդների միջեւ բարեկամական կապերի հետագա ամրապնդում:
Ծրագրի իրականացմանը, որպես կանոն, մասնակցում են հեռավոր եւ մերձավոր արտերկրի մեր հայրենակիցների ներկայացուցչական պատվիրակությունները, որոնց կազմում ընդգրկվում են պետական եւ հասարակական գործիչներ, եկեղեցու, գիտական, ստեղծագործական մտավորականության, գործարար շրջանների ներկայացուցիչներ :
Ավանդաբար.
- ամփոփվում է Հայաստանում եւ Արցախում ՀՀԿ եւ ՌՀՄ գործունեության արդյունքները: Հատկապես աջակցությունը Սփյուռքում հայապահպանության, հայության ազգային ինքնության եւ ինքնակազմակերպման մակարդակի բարձրացմանը, լեզվի, մշակույթի եւ ավանդույթների պահպանմանը:
- որոշվում է առաջիկա գործողությունների ծրագիրը:
Նորացված է` 2009-03-11 20:36:34 | 
