Ի բարօրություն Հայաստանի եւ ԱրցախիՀայկական սփյուռքի հսկայական ներուժի միավորումը ի բարօրություն Հայաստանի նշանակում է նպաստել հայոց պետականության կայացմանը ու ամրապնդմանը, նոր աշխատատեղերի ստեղծմանը, երկրի տնտեսական վերածննդին ու բնակչության բարեկեցության աճին: Նշված խնդիրները գերակայում են կազմակեպության ծավալած գործունեության մեջ: Դրանք լուծելու համար կազմակերպությունը իրագործել է մի շարք ծրագրեր ու միջոցառումներ:
Այդ շարքում առանձնահատուկ տեղ են գրավում 2004-ին, 2005-ին, 2007-ին եւ 2008-ին Երեւանում անցկացված միջազգային տնտեսական համաժողովները, որոնց աշխատանքներին մասնակցել են հարյուրավոր գործարարներ` աշխարհի բազմաթիվ երկրներից: Այդ միջոցառումների նպատակը մեկն է եղել` նպաստել Հայաստանի տնտեսական հզորացմանը:
Կոնգրեսի գործունեությունը ներառում է նաեւ Հայաստանի բնակչության տարբեր սոցիալական խավերին: Պատերազմի վետերանների, փախստականների, միայնակ ծերերի, գյուղական համայնքների բնակիչների, արցախյան պատերազմի զոհվածների երեխաների սոցիալական հոգսերը միշտ էլ գտնվել են Կոնգրեսի ուշադրության կենտրոնում:
Առանձնահատուկ տեղ է հատկացվել Հայաստանի գիտական եւ ստեղծագործող մտավորականությանը: Կոնգրեսի նախագահ Արա Աբրամյանի ֆինանսական ներդրմամբ ՀՀ ԳԱԱ կից ստեղծվել է «Գիտության զարգացման», իսկ Գրողների միությանը կից «Գրական» հիմնադրամները:
Ստեղծագործական միությունների եւ ՀՀ ԳԱԱ հետ պարբերաբար հայտարարվում են մրցանակաբաշխություններ, որոնց մրցանակային ֆոնդը տրամադրում է Արա Աբրամյանը: Այս ամենի նպատակն է ակտիվացնել Հայաստանի գիտական եւ ստեղծագործական մտավորականության գործունեությունը:
ՀՀԿ-ն մեծ ավանդ ունի Հայաստանում իրագործվող կրթամշակությաին ծրագրերում: Ռազմավարական վիթխարի նշանակություն ունի հատկապես «Հայասատանի եւ Արցախի դպրոցների համակարգչայնացմանը` համազգային հոգածություն» շարժումը: Հայաստանի եւ Արցախի ավելի քան 700 դպրոցներում եւ ուսումնական այլ հաստատություններում այս շարժման շրջանակում ստեղծվել են համակարգչային դասարաններ կամ լսարաններ:
Ի բարօրություն Հայաստանի եւ Արցախի ՀՀԿ կողմից նախանշված ծրագրերն ու միջոցառումները իրագործվում են Կոնգրեսի Հայաստանյան մասնաճյուղի կողմից:
Նորացված է` 2009-03-19 12:55:51 | 
