ԿԱՐԳ

ԿԱՐԳ

«Մենք եղել ենք, մենք կանք, մենք կլինենք» խորագրով

ուսանողների եւ աշակերտների համար անցկացվող լավագույն գրական ստեղծագործության VI միջազգային մրցույթի

Մրցույթի թեման է «Հիշենք` ապրելու, արարելու համար»

1. Ընդհանուր դրույթներ.

1.1 Ներկա դրույթները որոշում են «Մենք եղել ենք, մենք կանք, մենք կլինենք» խորագրով ուսանողների եւ աշակերտների համար անցկացվող VI միջազգային մրցույթի խնդիրներն ու նպատակները, ինչպես նաեւ նրա անցկացման կարգը:

1.2 «Մենք եղել ենք, մենք կանք, մենք կլինենք» խորագրով ուսանողների եւ աշակերտների համար անցկացվող` լավագույն գրական ստեղծագործության VI միջազգային մրցույթի թեման է «Հիշենք` ապրելու, արարելու համար», որը նվիրվում է Հայոց ցեղասպանության 95-ամյա տարելիցին:

1.3 Մրցույթն անց է կացվում «Ռուսաստանի հայերի միություն» համառուսաստանյան հասարակական կազմակերպության, «Համաշխարհային հայկական կոնգրես» հայկական հասարակական կազմակերպությունների Միջազգային Միության, ՀՀ Սփյուռքի նախարարության, ՀՀ կրթության եւ գիտության նախարարության կողմից:

1.4 Մրցույթն անցկացվում է 2010 թվականի փետրվարի 20-ից մինչեւ մայիսի 20-ը:

1.5 Մրցույթի արդյունքների հրապարակումն ու հաղթողների պարգեւատրման արարողությունները կկայանան 2010 թ. հոկտեմբերի երկրորդ կեսին:

2. Մրցույթի նպատակներն ու խնդիրները

2.1 Հայաստանի, Արցախի եւ հայկական Սփյուռքի ուսանողներին եւ աշակերտներին, ինչպես նաեւ այլ ազգերի երիտասարդ ներկայացուցիչներին հաղորդակից դարձնել հայ ժողովրդի պատմական անցյալին, հատկապես նրա պատմության այն էջերին, որոնք վերաբերում են երկիր մոլորակի վրա երբեւիցե իրականացված ամենասարսափելի, ամենադաժան չարագործություններից մեկի` Հայոց Եղեռնի պատմությանը եւ դրանով իսկ նպաստել նրանց ակտիվ մասնակցության ապահովմանը մարդկության դեմ կատարված այդ հանցագործության դատապարտման եւ միջազգային ճանաչման համար ծավալված գործընթացներին:

2.2. Նպաստել նրան, որպեսզի հայ ժողովրդի անմեղ նահատակների հիշատակի հավերժացման գործում հայ պատանիների եւ աղջիկների, ողջ երիտասարդության, անկախ նրանց բնակության երկրից, նշանաբանը դառնա բոլոր հայերի հայրենիք Հայաստանի հզորացմանը, շենացմանը, հայոց պետականության վերելքին, ամրապնդմանն ու զարգացմանը ծառայելը:

2.3. Նպաստել ահաբեկչության, բռնությունների, ազգամիջյան բախումների դեմ մղվող պայքարում հայ երիտասարդության ընդգրկմանը, նրանց կենսական ակտիվ դիրքորոշման ձեւավորմանը այնպիսի հիմնարար արժեքների նկատմամբ, ինչպիսիք են երկիր մոլորակի վրա խաղաղության պահպանումն ու բարեկամության հաստատումը:

3. Մրցույթի պայմաններն ու մասնակիցները.

3.1 Մրցույթին կարող են մասնակցել Հայաստանի, Արցախի եւ հայկական սփյուռքի ուսանողներն ու դպրոցների բարձր դասարանների աշակերտները, ինչպես նաեւ այլ ազգերի երիտասարդ ներկայացուցիչներ:

3.2 Յուրաքանչյուր մասնակից իրավունք ունի մրցույթին մասնակցել մեկ ստեղծագործությամբ` Հայոց ցեղասպանության 95-ամյա տարելիցին նվիրված շարադրությամբ, բանաստեղծությամբ, պատմվածքով, գրական, հրապարակախոսական ակնարկով եւ այլն:

3.3 Մրցույթին մասնակցելու իրավունք են ստանում միայն ժամանակին ուղարկված, թեմային եւ նշված ծավալին համապատասխանող աշխատանքները:

4. Մրցույթի կազմակերպման կարգը

4.1 Մրցույթը ղեկավարելու նպատակով ձեւավորվել է Կազմկոմիտե:

4.2 Կազմկոմիտեն որոշում է մրցույթի անցկացման ժամկետները, կարգը, ձեւավորում մրցանակաբաշխության հանձնաժողով, հաստատում նրա կազմը եւ ամփոփում արդյունքները:

4.3 Մրցանակաբաշխության հանձնաժողովը.

- մշակում է աշխատանքների գնահատման չափանիշներ,

- առաջարկում է մրցույթի անվանակարգերը,

- ստուգում եւ գնահատում է աշխատանքները,

- որոշում է հաղթողներին եւ ներկայացնում Կազմկոմիտեի հաստատմանը:

4.4 Ուղարկված աշխատանքները չեն գրախոսվում եւ չեն վերադարձվում:

4.5 Մրցույթի կազմակերպիչներն իրենց իրավունք են վերապահում անհրաժեշտության դեպքում համապատասխան փոփոխություններ կատարել մրցույթի անցկացման կարգում:

4.6 Մրցույթի արդյունքները ուսանողների եւ աշակերտների համար կամփոփվեն առանձին-առանձին:

5. Հաղթողների պարգեւատրումը

5.1 Մրցույթում առաջին երեք տեղերը շահած ուսանողները, ինչպես նաեւ աշակերտները կպարգեւատրվեն համակարգիչներով եւ դիպլոմներով, իսկ առանձին անվանակարգերում հաղթողները` արժեքավոր նվերներով եւ պատվոգրերով: Լավագույն աշխատանքները կհրատարակվեն առանձին ժողովածուով:

6. Մրցութային աշխատանքին ներկայացվող պահանջները

6.1 Մրցույթի ներկայացված աշխատանքները պետք է ցույց տան, որ չնայած բազում զոհերի եւ դժբախտությունների, հայ ժողովուրդը շարունակել է գոյատեւել, կառուցել եւ այսօր էլ հիշում է իր վիշտը` ապրելու, արարելու, Հայաստան երկիրը շենացնելու եւ իր անվտանգ ապագան կերտելու համար: Աշխատանքներում ցանկալի է արծարծել մասնակիցների վերաբերմունքը ցեղասպանության, մարդկության դեմ իրականացված հանցագործությունների հանդեպ, որտեղ եւ երբ էլ դրանք կատարված լինեն: Աշխատանքը կշահի, եթե դրա հեղինակը փորձի ցույց տալ իր դերն ու տեղը նման երեւույթների դեմ տարվող պայքարի, խաղաղության պահպանման, ազգամիջյան հարաբերությունների կարգավորման, քաղաքակրթության անվտանգության ապահովման գործընթացներում:

6.2 Մրցութային աշխատանքները պետք է ներկայացնել մինչեւ 2010 թվականի մայիսի 20-ը: Հայաստանից, Արցախից եւ ԱՊՀ երկրներից ներկայացված աշխատանքներն ընդունվում են միայն հայերեն եւ ռուսերեն լեզուներով, անգլերեն լեզվով աշխատանքներ ընդունվում են միայն հեռավոր արտերկրից:

6.3 Ներկայացված աշխատանքների ծավալը չպետք է գերազանցի 4 համակարգչային էջի սահմանը:

6.4 Աշխատանքները ներկայացվում են էլեկտրոնային տարբերակով (Word ֆորմատով (*.doc, *.rtf) Windows-ի համար), վերին եւ ստորին լուսանցքները` 2, աջ եւ ձախ լուսանցքները` 2.5, կարմիր տողը` 1.25, տպատառի չափը` 14 pt, ինտերվալը` 1: Աշխատանքները կարող են ներկայացվել նաեւ անձամբ կամ ուղարկվել փոստով:

6.5 Տիտղոսաթերթի վրա պարտադիր է նշել`

- Ազգանուն

- Անուն

- Հայրանուն

- Ծննդյան թիվը

- Հասցեն

- Հեռախոսը

- Էլեկտրոնային փոստի հասցեն

- Ուսումնական հաստատության անվանումը եւ վայրը

7. Մրցույթի կազմակերպչի հասցեն`

Համաշխարհային հայկական կոնգրեսի եւ Ռուսաստանի հայերի միության Հայաստանյան մասնաճյուղ

Հայաստանի Հանրապետություն, ք.Երեւան, Տերյան 69:

Հեռ. (37410) 51 04 42

(37410) 51 04 43

ֆաքս (37410) 51 04 41

Էլ. փոստ` vladis@netsys.am

կամ

ՀՀ Կրթության եւ գիտության նախարարություն

Հայաստանի Հանրապետություն, Երեւան, Գլխավոր պողոտա, Կառավարության III շենք, 611 սենյակ

Էլ. փոստ` schools@edu.am

Մրցույթի կազմկոմիտե

Նորացված է` 2010-02-15 20:07:26